اتىراۋدا قازىر ءازىربايجان كاپيتالى بار 42 كاسىپورىن جۇمىس ىستەيدى. ولاردىڭ اراسىندا مەتالل وڭدەۋ, دارىگەرلىك قىزمەت كورسەتۋ, دايىن تاماق ونىمدەرىن وندىرۋمەن اينالىساتىن كومپانيالار بار. جىل باسىنان بەرى قوس تاراپ اراسىنداعى تاۋار اينالىمى 1,8 ملرد اقش دوللارىنا جەتتى. ء«بىز ارىپتەستىك قارىم-قاتىناس ورناتۋ ءۇشىن اتىراۋعا ىرى ترانسۇلتتىق كومپانيالاردىڭ وكىلدەرىن اكەلىپ جاتىرمىز. ايماقتىڭ ەكسپورتتىق الەۋەتىن زەرتتەگىمىز كەلەدى» دەدى ەلشى.
وبلىستا جالپى اۋماعى 210 گا يندۋستريالدى ايماق قۇرىلىپ جاتىر. ينۆەستورلارعا جاعداي جاساۋ ءۇشىن ينفراقۇرىلىمدى مەملەكەت جۇرگىزىپ بەرەدى. الەمدىك ستاندارتتارعا ساي ونەركاسىپتىك-وندىرىستىك كەشەن قۇرۋ باعىتىندا جوسپارلانعان شارالار دا بار. ينۆەستورلار مەملەكەتتىك-جەكەمەنشىك سەرىكتەستىك اياسىندا «اتىراۋ» الەۋمەتتىك-كاسىپكەرلىك كورپوراتسياسى ۇلتتىق كومپانياسى اق-مەن بىرلەسىپ ءار ءتۇرلى سالادا ينۆەستيتسيالىق جوبالاردى جۇزەگە اسىرا الادى. بۇل رەتتە بىرىگىپ جۇمىس ىستەۋ كەزىندە ۇلتتىق كومپانيانىڭ ۇلەسى 49 پايىزدان اسپاۋى كەرەك.
باقىتگۇل باباش,
«ەگەمەن قازاقستان».
اتىراۋ.
